Комерцијална Банка АД Скопје е банка која нуди универзални банкарски услуги. располага со широка мрежа на експозитури и филијали, која што во континуитет ја проширува на територијата на целата земја. Деловната мрежа на Банката се состои од 8 филијали (Охрид, Прилеп, Велес, Кочани, Куманово, Струмица, Штип, Кавадарци) и 50 експозитура, од кои 33 се лоцирани во Скопје, а останатите низ Републиката. Во функција на извршување брзи и ефикасни меѓународни услуги за своите клиенти, Банката има воспоставено кореспондентски односи со преку 600 банки во 23 земји и контокорентски односи со 55 банки. Таа обезбедува широка палета на услуги за физички и правни лица, во кои спаѓаат универзалните банкарски работи, како работење со хартии од вредност, осигурителни полиси, трансфер на пари преку Western Union, старателско работење и друго. Банката е присутна и во електронското банкарство нудејќи електронски плаќања во домашниот платен промет и развивање на електронското банкарство во платниот промет со странство. Комерцијална банка АД Скопје има седиште во Скопје. Оваа банка има 4,223 акционери и приватен капитал во износ од 90.90% од вкупниот акционерски капитал.

Комерцијална банка АД Скопје во соопштението до Македонската Берза на хартии од вредност извести за бројот на акции во сопственост на членови на Надзорниот и Управниот одбор. Во Надзорниот одбор Сава Димитрова која што е
Претседател поседува 0,00908% од вкупниот број на акции, Таки Фити на позицијата Заменик претседател поседува 0,00556% од вкупниот број акции, Алеко Ангеловски на позицијата Член поседува 0,00993% од вкупниот број акции.

Во Управниот одбор Хари Костов на позицијата Претседател и Главен извршен директор поседува 0,14895% од вкупниот број акции, Илија Илоски на позицијата Член и Главен оперативен директор поседува 0,05923% од вкупниот број акции и Маја Стевкова Штериева на позицијата Член и Главен финансов директор поседува 0,00129% од вкупниот број на акции.